X'mas 2006
今年我過咗一個好平安既聖誕節~
24Dec 同屋企人食完dinner等到差唔多八點就同Amanda搭船去TST shopping睇燈飾，我想買隻好有style既介子俾自己同兩份好特別既禮物俾兩個同事，結果一樣都買唔到...我地十點開始走，去到碼頭先知天星碼頭已經block咗，要行去佐敦先走到，搞咗個幾鐘，我地一路行一路食脆甜筒同汽水，都唔錯~返到灣仔我地去睇VCD，我買咗"絕種鐵金剛"(因為$10)同"魔幻王國"，都叫做有D收穫^^沖完涼回SMS，因為network busy，搞到點幾先send到，好眼訓...
25Dec 下晝同Amanda去TST幫Make A Wish做義工，之後我地去銅鑼灣食豆腐，我好鍾意食豆腐，尤其人和豆品廠既煎豆腐~跟住我就同屋企人食雲南過橋米線，呢樣都係我鐘意食既嘢之一，yummy~
26Dec 下晝又係同Amanda去TST做義工，之後去咗同事屋企四個人睇VCD、打邊爐、食朱古力火鍋、睇電視，好有家既感覺。我走之後想去銅鑼灣搵月奈同Katy，不過太遲lu，緣慳一面，所以我直接返屋企~我真係唔記得每年今日我地係一齊食蕃茄仔蛋糕buffet，um...really true?唔記得lu，下年要早D mark日子先~
27Dec Annual leave~一起身就MSN同ICQ唔到，好無聊地一個人睇"魔幻王國"，幾好睇~六點到我就去TST等Amanda放工，係佢公司樓下間手飾店一合個人逛，我同個sales傾咗好耐，佢地D款好靚好特別，而且又買一送一，好低~順帶一提，Katy居然自己一個都搵到我，佢再唔盪失路，大個lu~Amanda落埋黎，一齊揀完之後去Ada個Party...真係好耐冇見，下望下次佢可以stay耐D啦...之後我同Katy去睇燈飾，香港海滂夜景真係好靚，停低睇咗一陣，跟住去買阿波羅雪糕，搭船返中環，新碼頭夜晚都好靚~P.S.冬天係條街度食雪糕唔錯^^
28Dec Annual leave~同ppp食BDay lunch，傾咗好耐，開心~我話想睇"Happy Leg"，雖然佢已經睇咗，佢即刻睇錶，跟住話今晚做Yoga之前都有時間，好以陪我再睇，so warm~不過唔駛既，我都可以搵其他人睇~ i'm so lucky，u all are so nice~
29Dec Annual leave~第一次訓到11:30am先起身，食完早餐又訓多一陣，跟住起身執衫執嘢，終於pack好夏天衫，仲將之前搬屋兩箱嘢整好，感覺乾淨D啦，next target執枱同袋~
Amanda話佢要幫個朋友個女諗英文各名，佢想用我個名，good~希望個對夫婦會用啦，對於一個咁珍貴既小朋友，我個名真係唔錯，hee...不過我都係鐘意Angelina多D
冇得上MSN同ICQ既日子好悶，好似同D朋友斷咗聯絡，不過因為咁而收多咗電話，琴日好開心Sidney打俾我，yeah~我地除夕既倒數照舊，又可以見番班義工朋友^^今次cafe倒數，應該可以好順利地番屋企~希望Elaine同April落咗機唔會太累可以join到啦，好掛住佢地~因為冇MSN所以我都冇同同事聯絡，真係放假~佢地琴日話今日打邊爐，不過我而家好凍好眼訓，都係take a nap，遲D有電話黎先算...sleeping
posted by angel @ 12:04 PM
0 comments
