開始好番

上個禮拜日唱完K就開始唔舒服，喉嚨乾->喉嚨痛->聲沙->變聲->流鼻水，好彩daytime唔會勁咳同流鼻水，因為正直流感期，好唔想番工帶口罩。病咗成個禮拜，日日搽粉，等自己面色好D，keep住個人精神都幾累，但既然揀咗番工就要俾心機做好D野 ^^
好開心個TKO student話掛住我，哈哈我都好掛住佢地，如果前日唔係唔舒服，我都好想同佢地去布袋澳食海鮮，等我今個禮拜internal mail D復活節禮物俾佢地都好~
而家開始好番，復活節可以玩下lu，想睇"史柏力魔怪書"~

搬office

上個星期一終於搬咗office，講咗好耐，終於搬咗...
除咗返工放工都用多咗時間，其他都唔錯，個位大咗、食野平咗選擇多咗^^
經過呢兩個禮拜我重新體驗到好多野都要學，要主動諗多啲、適當時候搵人幫手、有時又要自己照顧自己。好似開燈咁，唔係個個都會幫我開燈，新office冇燈真係有啲黑有啲驚，同事借咗份教開燈既紙俾我，因為睇錯自己個位既位置而開唔到燈，周圍咁黑都睇唔到自己部門既同事，所以都係坐係個位繼續做。好彩Carmen見到我幫我開燈，都係自己部門啲人好，真係好感動，佢仲教我開燈，而家我識自己開lu~
來緊可能同Wendy一齊讀Project Management Professional(PMP)，遲啲填份form俾公司批，成功而又有位，咁就讀下，連續六個星期六，每堂六個鐘，考埋個試就可以多張Cert，都幾好~本來想搵同學一齊讀，不過算啦，人地讀書都係自己讀。同同事讀都唔錯:)如果睇緊呢個blog既你對個course都有興趣一齊讀，搵我啦~

quote from Yahoo:

MBA：“做正確的事”，下決定，在企業中處於決策層
PMP：“正確地做事”，是依決定做實事，在企業中屬於執行層

對於企業來說，有一個好的決策，當然是很重要，但如何把這個好的決策，貫徹並真正執行好，更重要，否則，決策只是決策，不能自己轉變成現實。

所以，企業需要很多的PMP。